कमेन्टमा गाली आएपछि भीम रावल– रविले ठगी धन्दा छोप्न गालीगलौजको सहारा लिए
![](https://www.makalukhabar.com/wp-content/uploads/2023/10/Final-icon-Logo-2023.png)
![कमेन्टमा गाली आएपछि भीम रावल– रविले ठगी धन्दा छोप्न गालीगलौजको सहारा लिए](https://www.makalukhabar.com/wp-content/uploads/2024/04/bhim-rawal-mk.png)
काठमाडौं । नेकपा एमालेका नेता डा.भीम रावलले गृहमन्त्री रवि लामिछानेले कानुन मिच्दा कसरी छुट हुन्छ ? भनेर प्रश्न गरेका छन् ।
उनले गृहमन्त्रीको एकै पटक नेपाली तथा अमेरिकी नागरिकता र राहदानी भएको साथै गृहमन्त्री झण्डै एक अर्ब रुपैयाँ सहकारीको रकम ठगीमा संलग्न रहेको बताएका छन् ।
उनले गृहमन्त्रीको गलत कामको कान्तिपुरसहित विभिन्न संचारमाध्याममा समाचार छताछुल्ल भएपछि त्यसलाई छोप्न सकिन्छ कि भनेर गालीको सहारा लिएको टिप्पणी गरेका छन् ।
उनले फेसबुकमा गरेको पोस्टमा रविका समर्थकले नकारात्मक कमेन्ट गरेका थिए । त्यसपछि आज फेरी अर्को पोष्ट लेख्दै उनले पराजित मनस्थितिले लामिछानेको बारेमा उठेका प्रश्नहरूको औचित्य अझ स्पष्ट भएको उल्लेख गरेका छन् ।
उनले कैलाश सिरोहियाले नागरिकता कानुन मिचेका भए कारबाही हुनुपर्ने बताएका छन् । तर, राज्यका जिम्मेवार पदमा बस्नेले कानुन मिच्दा अझ बढी दण्ड सजाय हुने व्यवस्था रहेको स्मरण गराएका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)