लागु औषध कारोबारी समात्न चलाउन पर्यो गोली
मकालु खबर
२०८१ वैशाख २७ गते
काठमाडौँ । बाँकेको कोहलपुरमा गोली चलेको छ । लागु औषध कारोबारीलाई नियन्त्रणमा लिने क्रममा प्रहरीले बिहीबार बिहान गोली चलाएको हो ।
काठमाडौँबाट खटिएको लागु औषध नियन्त्रण ब्युरोको टोलीले कारोबारी कोहलपुर नगरपालिका-१२ चप्पलगौडी बस्ने २६ वर्षीय सुशील परियारलाई नियन्त्रणमा लिने क्रममा गोली चलाएको छ । कारोबारी भाग्न खोजेपछि प्रहरीले गोली चलाउनु परेको थियो ।
परियारलाई नियन्त्रणमा लिने क्रममा एक राउण्ड गोली चलेको बताइएको छ । बायाँ खुट्टामा गोली लागेका उनको भेरी अस्पतालमा उपचार भइरहेको बाँकेका एसपी तुल बहादुर कार्कीले जानकारी दिए ।
सोही ठाउँका २७ वर्षीय प्रमोद कार्की पनि पक्राउ परेका छन् । उनीहरुको साथबाट ११० ग्राम ब्राउन सुगर बरामद भएको छ ।
मकालु खबर
२०८१ वैशाख २७ गते
प्रतिक्रिया
सम्बन्धित