भन्सार छलेर ल्याइएको १०६ वटा कुखुरा प्रहरीद्वारा नष्ट
मकालु खबर
२०८१ वैशाख २० गते
काठमाडौँ । भन्सार छलेर अवैध रुपमा नेपाल ल्याएको १ सय ६ वटा बोइलर कुखुरा नष्ट गरिएको छ ।
जिल्ला प्रहरी कार्यालय रौतहटले भन्सार छलेर अवैध रुपमा नेपाल ल्याएको १ सय ६ वटा बोइलर कुखुरा नष्ट गरेको हो ।
प्रहरी नायव उपरीक्षक एलिजा गिरीका अनुसार साइकलमा लोड गरेर ल्याउँदै गरेको बोइलर कुखुरा बौधिमाई नगरपालिका–७ मा चेकजाँचका क्रममा नियन्त्रणमा लिइएको हो ।
भारतबाट नेपाल कुखुरा ल्याउँदै गरेका व्यक्ति भने फरार भएको प्रहरीले जनाएको छ । प्रहरी नायव उपरीक्षक गिरीका अनुसार नष्ट गरिएका ब्रोइलर कुखुराको नेपाली बजार मूल्य करिब १ लाख २७ हजार रुपैयाँ बराबरको छ ।
बुधबार नियन्त्रणमा ल्याइएको कुखुरा बिहीबार स्थानीय भद्रभलादमी र जनप्रतिनिधिको रोहबरमा नष्ट गरिएको प्रहरीले जनाएको छ ।
मकालु खबर
२०८१ वैशाख २० गते
प्रतिक्रिया
सम्बन्धित