विदेश पठाइदिन्छु भन्दै ४२२ जनालाई ठगी गर्ने गिरोह पक्राउ
काठमाडौँ । नेपाल प्रहरीले वैदेशिक रोजगारीको सिलसिलामा बुल्गेरिया, न्युजिल्याण्ड, रोमानिया, सर्विया, क्रोशियासमेतका देशहरूमा पठाउने भनी ठगी गर्ने दुई जनालाई पक्राउ गरी सार्वजनिक गरेको छ ।
मंगलवार उपत्यका अपराध अनुसन्धान कार्यालयले पत्रकार सम्मेलन गरी सार्वजनिक गरेको हो । पत्रकार सम्मेलनमा बोल्दै उपत्यका अपराध अनुसन्धान कार्यालयका प्रमुख एसएसपी सानुराम भट्टराईले वैदेशिक रोजगारीको सिलसिलामा बुल्गेरिया, न्युजिल्याण्ड, रोमानिया, सर्विया, क्रोशियासमेतका देशहरूमा पठाउने भनी आफ्नो नक्कली नाम बताइ अर्को व्यक्तिको नाममा कम्पनी तथा बैंक खाता खोल्न लगाइ सिमकार्ड समेत निकाली ४२२ जनालाई ठगी गर्ने गिरोह पक्राउ परेको बताए ।
उनले पक्राउ पर्नेमा जिल्ला धादिङ, जीवनपुर गाविस हाल धुनिबेँसी नगरपालिका ४ घर भएका आफ्नो नाम जीवा गौतम बताउने रमेश बयलकोटीलाई पक्रा गरिएको बताए । उनले बयलकोटीले कीर्तिपुर नगरपालिका ६ बस्ने ललितजंग बमलाई भिजा प्लस प्राइभेट लिमिटेड नामको कम्पनी दर्ता गर्न लगाइ सामाजिक सञ्जालमा वैदेशिक रोजगारीका लागि बुल्गेरिया, न्युजिल्याण्ड, रोमानिया, सर्विया, क्रोशिया, मकाओ, टर्की लगायतका देशमा जान अवसर रहेको भनी विज्ञापन पोस्ट गरी कन्सलटेन्सीमै बोलाइ करिब ४२२ जनालाई प्रतिव्यक्ति १० देखि १४ लाखसम्म लाग्ने बताइ सुरुमा ५० हजारदेखि ३ लाख लिने र भिजा आएपछि अन्य रकम दिने भनी कर्मचारी खटाइ रकम लिने गरेको खुलेको बताए ।
उनले त्यस्तै पक्राउ पर्नेमा अर्का सञ्चालक कालिकोट छाप्रे ६ घर भएका दर्शन नेपालीलाई कागेश्वरी नगरपालिका ७ बाट पक्राउ गरी आवश्यक कारबाही शुरु गरिएको बताए । यसको मुख्य गिरोहहरू भारतमा बसी काम गर्ने गरेको पनि बताए । ४२२ जनाबाट करिब ३ करोड भन्दा बढी रकम उठाएको बताए । महाराजगञ्जको कन्सलटेन्सीबाट थान २० र दर्शन नेपालको जडीबुटीस्थित कोठाबाट १ र बयलकोटी बस्ने कोठा एकान्तकुनाबाट ६३ गरी ८४ थान राहदानी लगायत १८२ जनाको रेकर्ड फाइल बरामद गरेको पनि बताए ।
उनले भने ‘वैदेशिक रोजगारीको सिलसिलामा बुल्गेरिया, न्युजिल्याण्ड, रोमानिया, सर्विया, क्रोशियासमेतका देशहरूमा पठाउने भनी आफ्नो नक्कली नाम बताइ अर्को व्यक्तिको नाममा कम्पनी तथा बैंक खाता खोल्न लगाइ सिमकार्ड समेत निकाली ४२२ जनालाई ठगी गर्ने गिरोह पक्राउ गरेका छाँै ।
वैदेशिक रोजगारीको सिलसिलामा बुल्गेरिया, न्युजिल्याण्ड, रोमानिया, सर्विया, क्रोशियासमेतका देशहरूमा पठाउने भनी आफ्नो नक्कली नाम बताइ अर्को व्यक्तिको नाममा कम्पनी तथा बैंक खाता खोल्न लगाइ सिमकार्ड समेत निकाली विदेश जानलाई जिल्ला धादिङ, जीवनपुर गाविस हाल धुनिबेँसी नगरपालिका ४ घर भएका आफ्नो नाम जीवा गौतम बताउने रमेश बयलकोटीले जिल्ला काठमाडौं कीर्तिपुर नगरपालिका ६ बस्ने ललितजंग बमलाई भिजा प्लस प्राइभेट लिमिटेड नामको कम्पनी दर्ता गर्न लगाइ सामाजिक सञ्जालमा वैदेशिक रोजगारीका लागि बुल्गेरिया, न्युजिल्याण्ड, रोमानिया, सर्विया, क्रोशिया, मकाओ, टर्की लगायतका देशमा जान अवसर रहेको भनी विज्ञापन पोस्ट गरी कन्सलटेन्सीमै बोलाइ करिब ४२२ जनालाई प्रतिव्यक्ति १० देखि १४ लाखसम्म लाग्ने बताइ सुरुमा ५० हजारदेखि ३ लाख लिने र भिजा आएपछि अन्य रकम दिने भनी कर्मचारी खटाइ रकम लिने गरेकोमा कन्सलटेन्सी सञ्चालन गर्दा भएका बमलाई आफू ठगिएको ठानी यस कार्यालयमा आइ जाहेरी दिएकोमा निजलाई काठमाडौं महाराजगञ्ज र अर्का सञ्चालक कालिकोट छाप्रे ६ घर भएका दर्शन नेपालीलाई कागेश्वरी नगरपालिका ७ बाट पक्राउ गरी आवश्यक कारबाहीको लागि टेकु पठाइएको छ । यसको मुख्य गिरोहहरू भारतमा बसी काम गर्ने गरेको बुझिएको छ ।
४२२ जनाबाट करिब ३ करोड भन्दा बढी रकम उठाएको जानकारी भएको छ । महाराजगञ्जको कन्सलटेन्सीबाट थान २० र दर्शन नेपालको जडीबुटीस्थित कोठाबाट १ र बयलकोटी बस्ने कोठा एकान्तकुनाबाट ६३ गरी ८४ थान राहदानी लगायत १८२ जनाको रेकर्ड फाइल बरामद गरेका छौँ ।’
कार्यालयले सोमवार कतारबाट काठमाडौंमा आएका सिकेन्द्र यादवलाई अपहरण गरी कुटपिट गर्ने दुई जनालाई पनि पक्राउ गरी सार्वजनिक गरेको छ । पत्रकार सम्मेलनमा एसएसपी भट्टराईले पक्राउ पर्नेमा सर्लाही मलंगवा ३ का २५ वर्षका अजिम अली र वर्ष २५ कै सोही स्थानका एमडी शनि अलाही रहेको बताए ।
उनले कतारबाट फर्किँदा कतारमा बस्ने मन्सुर अली नाम गरेका व्यक्तिले २५ ग्राम सुन दिई आफ्नो भतिज अजिम अलीलाई दिनु भनी निजको मोबाइल नम्बर दिई पठाएको र पीडित काठमाडौंमा आएपछि अजिम अलीलाई फोन गरी सामान लिन बोलाएकोमा अर्कै मान्छे आइ रिसिभ गरेको भन्ने बुझिएको बताए । निज अजिम अलीले सुन आफूले नपाएको भनी आफू बस्ने डेरा सिनामंगलमा जबरजस्ती लगी कुटपिट गर्नुका साथै पीडितकी श्रीमतीलाई ४ लाख ८० हजार रकम दिएपछि मात्रै छोड्ने भनी धम्की दिएको बताए ।
उनले भने ‘कतारबाट काठमाडौंमा ओर्लिएको मान्छे छ । उहाँ ओर्लिएपछि साँझ श्रीमतीलाई फोन गरेको र त्यसपछि अपहरण भएको छ, ५ लाख रुपैयाँ दिनुपर्छ भन्ने फोन आएको थियो । सिकेन्द्र यादवले आफू अपहरणमा परेको र मुक्त हुन ४ लाख ८० हजार रुपैयाँ दिनुपर्ने भनी जानकारी गराएकोमा आज बिहान पौने ९ बजे काठमाडौं ९ बाट उद्धार गर्नुका साथै कार्यमा संलग्न अजिम अलीसमेत दुई जनालाई नियन्त्रणमा लिएका छाँै ।
अजिम अली २५ वर्षीय सर्लाही मलंगवा ३, हाल सिनामंगल । अर्को एमडी शनि अलाही, हुनुहुन्छ । २५ वर्षका सर्लाही मलंगवा ७ का हुनुहुन्छ । पीडित हिजोमात्रै कतारबाट फर्किएको, कतारबाट फर्किँदा कतारमा बस्ने मन्सुर अली नाम गरेका व्यक्तिले २५ ग्राम सुन दिई आफ्नो भतिज अजिम अलीलाई दिनु भनी निजको मोबाइल नम्बर दिई पठाएको । पीडित काठमाडौंमा आएपछि अजिम अलीलाई फोन गरी सामान लिन बोलाएकोमा अर्कै मान्छे आइ रिसिभ गरेको भन्ने बुझिएको ।
निज अजिम अलीले सुन आफूले नपाएको भनी आफू बस्ने डेरा सिनामंगलमा जबरजस्ती लगी कुटपिट गर्नुका साथै पीडितकी श्रीमतीलाई ४ लाख ८० हजार रकम दिएपछि मात्रै छोड्ने भनी धम्की दिएको । पासपोर्टसमेत जबरजस्ती लिएको ।’
प्रहरीले पक्राउ परेकाहरूमाथि थप अनुसन्धान जारी रहेको र उनीहरूमाथि कारबाहीको प्रक्रिया अघि बढाइएको जनाएको छ ।