तपस्वी रामबहादुर बमजन पक्राउ
मकालु खबर
२०८० पुस २४ गते
काठमाडौं । तपस्वी रामबहादुर बमजन पक्राउ परेका छन् ।
उनलाई केन्द्रीय अनुसन्धान ब्युरो सीआईबीको टोलीले काठमाडौंबाट पक्राउ गरेको हो ।
उनलाई बुढानिलकण्ठबाट पक्राउ गरेको सीआईबीका प्रवक्ता नवराज अधिकारीले जानकारी दिए ।
उनी लामो समयदेखि प्रहरीको खोजीमा थिए ।
बमजनले आफ्ना अनुयायीहरुमाथि बलात्कार र हत्या हिंसा गरेको आरोप छ ।
बम्जनमाथि बिभिन्न जिल्लाका केही मानिसलाई वेपत्ता पारेको आरोप छ ।
पुस २०७६ मा सिन्धुपाल्चोकको इन्द्रवती–६ बाँडेगाउँ तथा असार २०७७ मा कमलामाई नगरपालिका ९ पैरेको आश्रममा छापा समेत हानेको थियो ।
तर उनि फरार रहँदै आएका थिए।
सिन्धुली, सिन्धुपाल्चोक, सर्लाही, बारा लगायत उनका आश्रम रहेका ठाउँमा लामो समयदेखि खोजी गरे पनि बमजनलाई फेला पार्न सकेको थिएन ।
मकालु खबर
२०८० पुस २४ गते
प्रतिक्रिया
सम्बन्धित