गाँजाको केक बनाएर बिक्री गर्ने विशन अनामनगरबाट पक्राउ
मकालु खबर २०८० पुस २२ गते
काठमाडौं । लागुऔषध गाँजा मिसाएर केक तयार गरी अनलाइनमार्फत कारोबार गरेको आरोपमा १ जना पक्राउ परेका छन् ।
पक्राउ पर्नेमा काठमाडौं महानगरपालिका २९ घट्टेकुलो बस्ने २६ वर्षीय विशन मानन्धर रहेका छन् ।
उनलाई विशेष सूचनाको आधारमा लागुऔषध नियन्त्रण ब्यूरो कोटेश्वरबाट खटिएको प्रहरी टोलीले पक्राउ गरेको हो ।
पक्राउ परेका मानन्धरको साथबाट प्रहरीले गाँजाको धुलो १ सय २१ ग्राम, तयारी अवस्थामा रहेको केकको झोल १७८ ग्राम र गाँजा ३ केजी बरामद गरेको छ ।
प्रहरीका अनुसार उनले आफ्नै घरमा विगत १ वर्षदेखि गाँजा मिसावट गरिएका केकका विभिन्न प्रकारहरू बनाइ अनलाइनमार्फत डेलिभरी गर्दै आएका थिए ।
मकालु खबर २०८० पुस २२ गते
प्रतिक्रिया
सम्बन्धित
