भक्तपुरमा टिपरले स्कुटर हान्दा २३ वर्षीय विशाल मैनालीको मृत्यु

काठमाडौँ । भक्तपुरमा टिपरको ठक्करबाट युवकको मृत्यु भएको छ । गएराति भएको दुर्घटनामा परी स्कुटर चालक काभ्रेको रोशी गाउँपालिका–१० घर भई गठ्ठाघर बस्ने २३ वर्षीय विशाल मैनालीको मृत्यु भएको हो ।

मैनाली चढेको बा९२प ५५३१ नम्बरको स्कुटरलाई शुक्रबार राति पौने ११ बजे मध्यपुरथिमि नगरपालिका(२ स्थित सानोठिमीस्थित जनक शिक्षा सामग्री केन्द्र अगाडि बा४ख २३४७ नम्बरको टिपरले ठक्कर दिएको थियो ।

टिपरको ठक्करबाट गम्भीर भएका राति ११ बजेर २१ मिनेट जाँदा मृत्यु भएको हो । टिपर चालक धादिङका सुरेश तामाङलाई प्रहरीले नियन्त्रणमा लिएर अनुसन्धान गरिरहेको जिल्ला प्रहरी परिसर भक्तपुरले जानकारी दिएको छ ।