नागढुंगाबाट दुई किलो सुन बरामद, ३ जना पक्राउ
मकालु खबर २०८० मंसिर २२ गते
फाइल तस्बिर
काठमाडौं । प्रहरीले नागढुंगाबाट २ केजी सुन बरामद गरेको छ ।
उपत्यका अपराध अनुसन्धान कार्यालय, काठमाडौंबाट खटिएको टोलीले नागढुंगाबाट दुई किलो सुन बरामदसहित ३ जनालाई शुक्रवार पक्राउ गरिएको प्रहरीले बताएको छ ।
पक्राउ पर्नेहरूमा रसुवाको गोसाइकुण्डका ग्यालछिङ तामाङ, सोही ठाउँका बिरु तामाङ र सुनिल भुजेल छन् । उनीहरूमाथि प्रहरीले थप अनुसन्धान जारी राखेको छ ।
रसुवाबाट काठमाडौं आउँदै गरेको ०१–०२८ च२६९६ नम्बरको स्कार्पियो गाडीबाट उक्त सुन फेला परेको हो ।
गएराति मात्रै त्रिभुवन अन्तर्राष्ट्रिय विमानस्थलमा दुबईबाट आएको १४ किलो सुन बरामद भएको थियो ।
मकालु खबर २०८० मंसिर २२ गते
प्रतिक्रिया
सम्बन्धित
