आयात बन्द भएको ४ वर्षपछि नेपालमै रेडबुलको उत्पादन सुरु
मकालु खबर
काठमाडौँ । नवलपरासीमा रेडबुल उत्पादन सुरु भएको छ ।
नवलपरासीमा २ अर्ब लगानीमा रेडबुल उद्योग स्थापना गरिएको हो । आयात बन्द गरिएको साढे ४ वर्षपछि नेपालमै रेडबुलको उत्पादन सुरु गरिएको हो ।
व्यापारिक घराना खेतान समूहले थाइल्यान्डको रेडबुल कम्पनीसँग सम्झौता गरी सरस बेभरेज प्रालि नामक उद्योग दर्ता गर्दै नेपालमै रेडबुल उत्पादन सुरु गरेको हो ।
अर्थमन्त्री डा. प्रकाशशरण महतले उद्योगको उद्घाटन गरेका हुन् ।
साढे ४ वर्षअघि तत्कालीन अर्थमन्त्री डा. युवराज खतिवडाले सबै प्रकारका इनर्जी ड्रिंक्सलाई नेपालमा आयात गर्न प्रतिबन्ध लगाएका थिए । हाल पनि रेडबुल आयातमा प्रतिबन्ध लगाइएको छ ।
खेतान समूहका अनुसार धादिङको धुनिबेसीमा सरस बेभरेजको कार्यालय स्थापना भइसकेको छ । त्यसको प्लान्ट भने नवलपरासीमा छ ।
उद्योगमा २ अर्ब लगानी गरिएको र वार्षिक १० हजार किलोलिटर जुस उत्पादन गर्ने लक्ष्य लिएको खेतान समूहले बताएको छ।
मकालु खबर
