अर्थतन्त्र संकटउन्मुख अवस्थामा छ, अर्थमन्त्रीले लयमा फर्किसकेको छ भन्नु गलत : पाण्डे
काठमाडौँ । सिटिजन्स बैंकका अध्यक्ष प्रवलजंग पाण्डेले अर्थतन्त्र संकटउन्मुख रहेको औँल्याउँदै अर्थमन्त्री प्रकाशशरण महतले अर्थतन्त्रका बारेमा गलत तथ्य प्रस्तुत गरेको भन्दै प्रश्न उठाएका छन् ।
पाण्डेले आफ्नो सामाजिक सञ्जाल मार्फत अर्थतन्त्र लयमा फर्किरहेको छ भनिरहँदा मुख्य-मुख्य शहरका सटरहरू किन खाली भइरहेको होला ? लगायतका प्रश्न गरेका हुन् ।
पाण्डे लेख्छन्, अर्थतन्त्र लयमा फर्किरहेको छ भनिरहँदा मुख्य मुख्य शहरका सटरहरू किन खाली भइरहेको होला ।
रेमिट्यान्टस वृद्धि भईरहँदा सरकारको आन्तरिक ऋण किन वृद्धि भइरहेको होला ।
विदेशी मुद्रा सचिती वृद्धि भईरहँदा बैंकको खराब कर्जा किन वृद्धि भईरहेको होला ।
पर्यटक आगमन वृद्धि भईरहँदा लुम्बिनी क्षेत्र लगायत अन्य क्षेत्रका होटेलहरू सञ्चालन गर्न नसकेर बन्द किन हुने अवस्थामा पुगे होला ।
विकासले लय लिनुपर्ने बेला अधिकास निर्माण सँग आबद्ध व्यवसायी र निर्माण सँग सम्बन्धी उद्योगहरू किन धरासायी भए होला ।
राजनीतिक कार्यकर्ता वृद्धिभई रहेको बेलामा श्रम र परिश्रम गर्नुपर्ने युवा पुस्ता किन विदेश पलायन भएको होला ॥