चितवन-२ : रामप्रसाद को सुरुवाती अग्रता, पच्छ्याउँदै रवि 

काठमाडौँ । चितवन क्षेत्र नम्बर २ को मतगणनामा एमालेका  रामप्रसाद न्यौपानेले सुरुवाती अग्रता लिएका छन् ।

हाल मतगणना इच्छाकामना गाउँपालिका १ र ३ नम्बर वडाबाट सुरु भएको छ ।

एमालेबाट रामप्रसाद न्यौपानेले ३ सय ६७ मत ल्याएका छन् । राष्ट्रिय स्वतन्त्र पार्टीबाट रवि लामिछानेले ३ सय १९ र लोकतान्त्रिक वाम गठबन्धनबाट कांग्रेसका जीतनारायण श्रेष्ठले २ सय ४४ मत ल्याएका छन् ।

मंसिर ४ को निर्वाचनमा यो क्षेत्रबाट लामिछाने निर्वाचित भएका थिए । उनको नागरिकता विवाद भएपछि पदमुक्त भएका थिए ।

त्यो बेला८३९५६ जनाले मतदान गरेको निर्वाचनमा लामिछानेले ४९२६४ भोट पाएका थिए । उनी देशभरमै सबैभन्दा फराकिलो मतान्तरले विजय भएका थिए ।

यो पटक १ लाख २४ हजार ६ सय ९५ जना मतदाता रहेको यस क्षेत्रमा ७८ हजार २ सय ७७ मत खसेको छ ।