फ्रान्स उड्नुअघि चार्ल्सले भने – पेरिसमा क्रिसमस मनाउँछु

काठमाडौं । नेपालबाट फ्रान्स डिपोर्ट भएका सिरियल किलर चार्ल्स शोभराजले पेरिसमा गएर क्रिसमस मनाउने बताएका छन् । विमान उड्नुअघि अध्यागमनका कर्मचारी र प्रहरीहरुसँग उनले पेरिसमा क्रिसमस मनाएर रमाइलो गर्ने बताएका हुन् ।

उनले सञ्चार माध्यमसँग बोल्ने केही कुरा आफूसँग नभएकाले पत्रकारको अघि नपरेको पनि बताएका अध्यागमनका एक कर्मचारीले बताए ।

कतार एयरवेजमार्फत डिपोर्ट भएका उनी साढे ४ घन्टा दोहामा ट्रान्जिट बसेर पेरिस उड्ने छन् । उनी फ्रान्सको समय अनुसार शनिबार बिहान ६स्३५ बजे पेरिसमा उत्रने छन् । उनलाई बुधबार सर्वोच्चले जेलमुक्त गर्दै १५ दिनभित्र फ्रान्स पठाउन आदेश दिएको थियो ।