जुवा खेलिरहेको अवस्थामा काठमाडौंको एक रिसोर्टबाट १८ जना पक्राउ

काठमाडौँ। काठमाडौंको एक रिसोर्टबाट १८ जनालाई प्रहरीले जुवा खेलेको आरोपमा पक्राउ गरेको छ।

बिहीबार राति ८ बजे काठमाडौँको नागार्जुन नगरपालिका-७ स्विजरल्यान्डपार्क नजिकै रहेको दहचोक सिटी भ्यू रिसोर्ट प्रालिबाट १८ जनालाई पक्राउ गरेको हो।

जिल्ला प्रहरी परिसर काठमाडौंका एसपी दिनेशराज मैनालीका अनुसार उदयराज पुरी संचालक रहेको उक्त रिसोर्टमा  तास र कौडा खेलिरहेको अबस्थामा उनीहरूलाई पक्राउ गरिएको हो।

उनीहरूबाट प्रहरीले नगद ३ लाख ८२ हजार ५९५ रुपैयाँका साथै १५ बुक तास र १६ थान कौडा पनि बरामद गरेको छ।

पक्राउ परेकाहरु माथि प्रहरी वृत्त स्वयम्भूबाट थप अनुसन्धान भइरहेको एसपी मैनालीले जानकारी दिए।