सुनको मूल्यमा प्रतितोला १२ सय गिरावट

काठमाडौँ । सुनको मूल्य तोलामा १२ सय रुपैयाँले घटेको छ । सोमबारको तुलनामा मंगलबार सुन तोलामा १२ सय रुपैयाँले घटेको नेपाल सुनचाँदी व्यवसायी महासंघले जनाएको छ । महासंघका अनुसार यस दिन प्रतितोला ९४ हजार रुपैयाँ निर्धारण भएको छ ।

सोमबार पनि सुनको मूल्य तोलामा ८ रुपैयाँले घटेको थियो । सोमबार सुन ९५ हजार २ सय रुपैयाँमा कारोबार भएको थियो ।

तर, आइतबार भने एकै दिन तोलामा सुनको मूल्य ३ हजार रुपैयाँले बढेर ९६ हजार रुपैयाँ पुगेको थियो ।

मंगलबार चाँदीको मूल्य पनि तोलामा १५ रुपैयाँले घटेको छ । यस सदन चाँदी प्रतितोला १ हजार २ सय १५ रुपैयाँमा किनबेच भइरहेको छ । सोमबार भने चाँदीको मूल्य २५ रुपैयाँले घटेको थियो ।