काठमाडौँ महानगरले हटायाे बानेश्वर क्षेत्रका अवैध संरचना

काठमाडौँ । काठमाडौँ महानगरपालिकाले काठमाडौँको नयाँ बानेश्वर क्षेत्रमा रहेका अनधिकृत संरचना हटाएको छ ।

यसअघि सूचना दिँदा पनि अनधिकृत संरचना नहटाएपछि शुक्रवार डोजर लगाएर नै हटाइएको महानगरले जनाएको छ । सो क्रममा नक्सा पास नभएका संरचना पनि महानगरले भत्काएको छ भने पार्किङ उल्लेख गरेर नक्सापास गरे पनि अन्य प्रयोजन भएका स्थानमा पनि डोजर लगाएको छ ।

डोजर लगाउने क्रममा केही घरधनीहरूले विरोध गरेका थिए । महानगरपालिकाले काठमाडौँका विभिन्न स्थानमा निरन्तर रूपमा अनधिकृत संरचना हटाउँदै आएको छ ।