गण्डकी प्रज्ञा प्रतिष्ठान र रसियन कल्चरबीच भगिनी सम्बन्ध
मकालु खबर
२०७९ भदौ २८ गते
पोखरा । गण्डकी प्रज्ञा प्रतिष्ठान र रसियन सेन्टर अफ साइन्स एण्ड कल्चर बीच भगिनी सम्बन्ध स्थापना भएको छ । सोमबार रसियन कल्चर सोको कार्यालय काठमाडौँमा दुई पक्षीय सम्झौता भएको हो ।
रसियन कल्चरको तर्फबाट डाइरेक्टर एन्टोन मास्लोभ र गण्डकी प्रज्ञा प्रतिष्ठानको तर्फबाट सदस्य सचिव मनकुमार श्रेष्ठले हस्ताक्षर गरे । श्रेष्ठले यो सम्झौतालाई ऐतिहासिक प्रगतिको रूपमा लिएका छन् ।
सम्बन्ध स्थापित भएसँगै गण्डकी प्रज्ञा प्रतिष्ठानले रसियन सांस्कृतिक टोलीलाई पोखरामा आमन्त्रण गरेको छ । आगामी कात्तिक २३ गते रसियन कल्चर सो आयोजना गर्ने तयारी छ ।
२१ गते रसियन टोली पोखरा आउने र २२ गते दुवै देशको संस्कृतिबारे छलफल (अन्तरक्रिया) कार्यक्रम राखिएको छ । २५ जनाको टोली पोखरा आउने पक्का भएको सदस्य सचिव श्रेष्ठले जानकारी दिए ।
मकालु खबर
२०७९ भदौ २८ गते
प्रतिक्रिया
सम्बन्धित