राहदानी विभागमा सेवाग्राहीले पाए सवारी पार्किङ

काठमाडौँ । त्रिपुरेश्वरस्थित राहदानी विभागको बेसमेन्ट सेवाग्राहीले पार्किङ गर्न पाएका छन् । राहदानी तथा अनय सेवाको लागि आउने सेवाग्राहीले विभागमा आजैदेखि पार्किङ गर्न पाएका हुन् ।

यसअघि विभागले सेवाग्राहीका सवारीलाई भवनमा लगेर पार्किङ अनुमति दिएको थिएन । शुक्रबार मात्र काठमाडौँ महानगरपालिकाले विभागको बेसमेन्ट खाली गराएको थियो । योसँगै विभागले बाहिरका सडक वरिपरि अनावश्यक भीडभाड नगरदिन सेवाग्राहीलाई अनुरोध पनि गरेको छ ।

विभागले आजदेखि राहदानी विभागमा लाइभ इलरोलमेन्ट सेन्टर कायम भएका सेवाग्राही मात्र आवेदनका लागि विभागमा आउन आग्रह गरेको छ । यस्तै आवेदकहरू आवेदन फाराममा तोकिएको मिति र समयमा मात्र विभागमा आउन भनेको छ ।