करणी मुद्दामा अदालतबाट सजाय पाएपछि फरार राजेश्वर पक्राउ
मकालु खबर
२०७९ साउन २० गते
उदयपुर । जिल्ला प्रहरी कार्यालय उदयपुरले जबरजस्ती करणी मुद्दामा अदालतबाट सजाय पाएपछि फरार भएका एक युवकलाई पक्राउ गरेको छ ।
उदयपुर जिल्ला अदालतबाट जबरजस्ती करणी मुद्दामा ६ वर्ष कैद सजाय पाएका चौदण्डीगढी नगरपालिका-९ ज्यामिरेका ४० वर्षीय राजेश्वर चौधरीलाई इलाका प्रहरी कार्यालय रामपुर ठोक्सिलाले पक्राउ गरेको हो ।
फरार प्रतिवादी चौधरी ०७१ साल वैशाख २० गते घटनास्थलबाट फरार भएका थिए । उनलाई उदयपुर जिल्ला अदालतले ०७४ साल फागुन २७ गते फैसला गरी ६ वर्ष कैद सजाय सुनाएका थिए । प्रहरीले अदालतको फैसला कार्यान्वयनमा सघाउ चौधरीलाई पक्राउ गरी अदालत बुझाएका हुन् । -रासस
मकालु खबर
२०७९ साउन २० गते
प्रतिक्रिया
सम्बन्धित