बुधवार थप ६२ जनामा कोरोना संक्रमण पुष्टि

काठमाडौँ । नेपालमा थप ६२ जनामा कोरोना संक्रमण पुष्टि भएको छ । पछिल्लो २४ घण्टामा १ हजार ६ सय २० जनामा कोरोना परीक्षण गर्दा ६२ जनामा कोरोना पोजेटिभ देखिएको हो ।

१ हजार ८ पिसिआर परीक्षणमा ५१ जना र ६ सय १२ एन्टिजेन परीक्षणमा ११ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

पछिल्लो २४ घण्टामा १९ जना संक्रमणमुक्त भएका छन् भने सक्रिय संक्रमितको संख्या २ सय ६१ पुगेको छ ।