सोमबार साँझदेखि बेपत्ता एक पुरुष नहरमा मृत फेला

काठमाडौँ । कञ्चनपुरको बेदकोट नगरपालिका– ७ का ५५ वर्षीय लवदेव जोशी आज मंगलबार स्थानीय नहरमा मृतावस्थामा फेला परेका छन् ।

जिल्ला प्रहरी कार्यालय कञ्चनपुरका प्रहरी निरीक्षक लालबहादुर बमले जोशी मृतावस्थामा महाकाली सिँचाइको नहरमा भेटिएको बताए । “अहिले महाकाली प्रादेशिक अस्पतालमा शव परीक्षणका लागि राखिएको छ”, प्रहरी निरीक्षक बमले भने, “घटनाबारे विस्तृतमा अनुसन्धान हुँदैछ ।”

मृतकका आफन्तले दिएको जानकारीअनुसार जोशी सोमबार साँझदेखि उनी बेपत्ता थिए ।