नेपाली रुपैयाँ हजारको नक्कली नोटसहित असनबाट एकजना पक्राउ
![](https://www.makalukhabar.com/wp-content/uploads/2023/10/Final-icon-Logo-2023.png)
२०७९ असार ११ गते
![नेपाली रुपैयाँ हजारको नक्कली नोटसहित असनबाट एकजना पक्राउ](https://www.makalukhabar.com/wp-content/uploads/2022/06/nakkali-note-sahit-pakrau-makalukhabar.png)
काठमाडौँ । आज शनिबार काठमाडौँ-२७ असनबाट नेपाली रुपैयाँ हजारको नक्कली नोटसहित एकजना पक्राउ परेका छन् ।
असनको कमलाक्षी कुना टोलमा पानी किन्ने क्रममा ग्राहकले रु. १००० को नोट दिँदा पसलेलाई नक्कली भन्ने शंका लागी सोधपुछ गर्दा पैसा दिने मान्छे भाग्न खोजेको र निजलाई स्थानीयले पक्राउ गरी जमलस्थित प्रहरी बिटमा बुझाएका छन् । पक्राउ पर्नेमा तनहुँ भानु गाउँपालिका-११ काउलेका अन्दाजी ५० वर्षीय अम्बर अधिकारी रहेको प्रहरीले बताएको छ ।
हाल उनलाई जमल प्रहरीले पक्राउ गरी थप अनुसन्धानका लागि महानगरीय प्रहरी प्रभाग दरबारमार्ग पुर्याएको छ । सो नोट नक्कली हो कि होइन भन्ने थप अनुसन्धानपछि मात्र थाहा हुने दरबारमार्ग प्रहरीले बताएको छ ।
घटनाको पूर्ण विवरण आउन बाँकी नै छ ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०७९ असार ११ गते
प्रतिक्रिया
सम्बन्धित