राजदूत नियुक्तिमा हुने करोडौँ चलखेल रोकौँ : सांसद सुवाल

काठमाडौँ । सांसद प्रेम सुवालले राजदूत नियुक्तिमा हुने चलखेल राेक्नुपर्ने बताएका छन् ।

बिहीबार प्रतिनिधि सभा बैठकमा बोल्दै सांसद सुवालले राजदूत नियुक्तिमा करोडौं चलखेल भएको खबर आएको भन्दै यसलाई रोक्नुपर्ने बताएका हुन् ।

उनले भने, ‘नेपालको आर्थिक कुटनीतिका खम्बाहरू विदेशस्थित राजदूतहरू पनि हुन् । राजदूतहरू नियुक्तिमा करोडौँ करोडौँ चलखेल भइरहेको समाचार छ । यसकारण निर्यात प्रविधि हस्तान्तरण, पर्यटन प्रवर्द्धन प्रभावकारी नभएको हो । भ्रष्टाचार र अनियमितता नियन्त्रण आवश्यक छ ।’

त्यस्तै, उनले एमसिसी खारेज गर्नसमेत माग गरे ।