आर्थिक विकास र समृद्धि केन्द्री नीति आयो तर यतिले पुग्दैन : डा. भट्टराई

काठमाडौँ । पूर्वप्रधानमन्त्री तथा जसपाका संघीय परिषद् अध्यक्ष डा. बाबुराम भट्टराईले सरकारको नीति तथा कार्यक्रम सकारात्मक भएपनि यति सुधारले नपुग्ने बताएका छन् ।

सरकारका तर्फबाट राष्ट्रपतिले प्रस्तुत गरेकाे नीति तथा कार्यक्रममा प्रतिक्रिया दिँदै उनले यस्ताे बताएका हुन् ।

‘आर्थिक विकास र समृद्धिलाई केन्द्रमा राखिएको छ। तर, मेरो विचारमा सामान्य सुधारले पुग्दैन,’ उनले भने, ‘सुधारात्मक कुरा सकारात्मक छन् । तर, पर्याप्त छैन ।’