प्रदेश सांसद छाडेर मेयर भए बुढाथोकी
मकालु खबर
२०७९ जेठ १० गते
विराटनगर । प्रदेश सांसदबाट राजीनामा दिएका झापाका गोपालचन्द्र बुढाथोकी मेयरमा निर्वाचित भएका छन् । बुढाथोकी झापाको मेची नगर नगरपालिकाकाको मेयरमा निर्वाचित भएका हुन् ।
मंगलबार बिहान सम्पन्न मतगणनाको अन्तिम परिणाम अनुसार नेकपा एमालेबाट मेयरका उम्मेदवार बुढाथोकीले २६ हजार ४७८ मत पाएर निर्वाचित भएका हुन् । मेची नगरमा गठबन्धनबाट मेयरका उम्मेदवार बनेका नेपाली कांग्रेसका इन्द्रबहादुर बुढाथोकीले २१ हजार ३११ मत प्राप्त गरेका छन् ।
झापाको निर्वाचन क्षेत्र नं. १ (ख) बाट निर्वाचित सांसद बुढाथोकीले मेची नगरको मेयर लड्न गत वैशाख ११ गते सभामुख समक्ष राजीनामा दिएका थिए । मेची नगरको उपमेयरमा पनि एमालेकै मीना कुमारी पोखरेल निर्वाचित भएकी छन् । उनले २१५९० मत प्राप्त गरेकी हुन् ।
उपमेयरमा गठबन्धनबाट माओवादी केन्द्रका प्रकाश भण्डारीले १२ हजार ८१८ मत पाएका हुन् ।
मकालु खबर
२०७९ जेठ १० गते
प्रतिक्रिया
सम्बन्धित