ताप्लेजुङमा आगलागीबाट १६ लाख बराबरको क्षति

काठमाडौँ । ताप्लेजुङको सिरिजङ्गा गाउँपालिका–५ मा गए राति एक घरमा आगलागी हुँदा रु. १६ लाख बराबरको क्षति भएको छ।

स्थानीयवासी टीका पराको घरमा कोही नभएको समयमा आगलागी भएको जिल्ला प्रहरी कार्यालयले जनाएको छ। पीडित पराले आगलागीबाट घरमा रहेका कागजात, सरसामन तथा दुईवटा बङ्गुरसमेत जलेर नष्ट भएको बताए।

स्वास्थ्यचौकीका इन्चार्ज ललिता पौडेल र अहेव चित्र कला सो घरमा कोठभाडामा बस्ने गरेका थिए। उनीहरूको पनि केही सरसमान निकाल्न नसकिएको बताइएको छ।