नबिल बैंकद्वारा नयाँ वर्षको अवसरमा क्यूआर कारोबारमा क्यास ब्याक

काठमाडौँ। नबिल बैंकले महिला तथा युवा क्यूआर मर्चेन्टलाई लक्षित गर्दै नयाँ वर्ष २०७९ को अवसरमा क्यूआर कारोबारमा आधारित क्यास ब्याक योजना सार्वजनिक गरेको छ । नबिल बैंक लिमिटेड र संयुक्त राष्ट्र पूँजी विकास कोषको सहकार्यमा आधारित “क्यूआर—कोडः महिला र युवाका लागि नबिल बैंक डिजिटल प्रवद्र्धन” परियोजना अन्तर्गत यो योजना सुरु गरिएको हो ।

विशेष गरी कोभिड–१९ पछिको अवस्थामा डिजिटल वित्तीय समाधानमार्फत महिला र युवा उद्यमीहरुको प्रवर्द्धन गर्ने उदेश्यको साथ यो योजना सुरु गरिएको बैंकले जनाएको छ ।

सुरुमा एक हप्ताको लागि संचालन गरिने यस योजनामा महिला तथा युवा क्यूआर मर्चेण्टले गर्ने क्यूआर कारोबारमा ५५ वा अधिकतम प्रति कारोबार रु. २०० र प्रतिदिन प्रति मर्चेन्ट अधिकतम रु। ५०० सम्म क्यास ब्याक प्रदान गरिने छ । यो योजना २०७९ वैशाख १ गतेदेखि लागु हुनेछ ।