स्वतन्त्रताले पनि लज्जाले शिर निहुर्‍याउनु बाहेक विकल्प छैन : झमक घिमिरे

काठमाडौँ । साहित्यकार झमक घिमिरेले संस्कृति, पर्यटन तथा नागरिक उड्डयनमन्त्री प्रेमबहादुर आलेले अश्लील शब्दसहित गालीप्रति टिप्पणी गरेकी छन् । उनले सामाजिक सञ्जालमार्फत नेताहरूका अहंकार बढेको भन्दै टिप्पणी गरेकी हुन् ।

याे पनि : प्रेम आलेले अश्लील शब्दसहित गाली गरेको अडियो सार्वजनिक

यस्ता अश्लील शब्दहरू सार्वजनिक पदमा बसेको व्यक्तिहरूबाटै आउन थालेपछि स्वतन्त्रताले पनि लज्जाले शिर निहुर्‍याउनु बाहेक विकल्प नभएको उनको भनाई छ । ‘ठूला ओहोदा, पद समालेका व्यक्तिहरूबाटै अश्लील शब्दका फोहोराहरू फुट्न थालेपछि स्वतन्त्रताले पनि लज्जाले शिर निहुर्‍याउनु बाहेक विकल्प छैन,’ साहित्यकार झमक घिमिरेले भनेकी छन्, ‘कति दिन होला यो अहंकार ?’