तेह्रथुमको म्याङ्लुङस्थित एक पसलमा आगलागी (भिडिओ)

काठमाडौँ । तेह्रथुमको म्याङ्लुङ नगरपालिकास्थित एक घरमा आगलागी भएको छ । बिहान ६ बजेतिर नगरपालिका -१ शान्तिटोलमा पसल रहेको घरमा आगलागी भएको हो ।

जिल्ला प्रहरी कार्यालय तेह्रथुमकाअनुसार शिवकुमार खापुङको घरमा आगलागी भएको छ । खापुङ काठमाडौँ बस्दै आएका छन् भने घरमा अर्जुन अधिकारीले चिया/खाजा पसल सञ्चालन गर्दै आएका थिए । ग्यास लिक भएर आगो लागेको हुनसक्ने प्रहरीको प्रारम्भिक अनुमान छ ।

आगलागी दमकल, प्रहरी र स्थानीयवासीको प्रयासमा नियन्त्रणमा आइसकेको छ । मानवीय क्षति भएको छैन भने भौतिक क्षतिको विवरण संकलन भइरहेको प्रहरीले जनाएको छ ।