गुडिरहेको जिपमाथि ढुङ्गा खस्दा ३ जनाको मृत्यु, ३ घाइते
मकालु खबर
२०७८ माघ ९ गते
काठमाडौँ । ओखलढुङ्गाको सिद्धिचरण नगरपालिकामा गुडिरहेको जिपमा माथिबाट ढुङ्गा खस्दा तीन जनाको ज्यान गएको छ । मानेभञ्ज्याङ गाउँपालिका – १ बाट सदरमुकामका लागि छुटेको को १ ज ३५६९ नम्बरको जिप सिद्धिचरण नगरपालिका – ३ ढुंगेधारामा आइतबार बिहान सवा आठ बजे दुर्घटनामा परेको ओखलढुङ्गा प्रहरीले जनाएको छ ।
प्रहरीका अनुसार बाटो खन्ने क्रममा जिपमाथि ढुङ्गा खसेको थियो । दुर्घटनामा परी मृत्यु हुनेहरूमा मानेभञ्ज्याङ – १ का ३० वर्षीय हेमबहादुर मगर, सोही ठाउँका १० वर्षीय युसब कोइराला र ७ वर्षीया युनिसा कोइराला छन् । युसब र युनिसा एकै परिवारका रहेको प्रहरी बताएको छ ।
उक्त दुर्घटनामा चालकसहित अन्य ३ जना घाइते भएका छन् । घाइतेमध्ये दुई जनालाई काठमाडौँ पठाइएको प्रहरीले बताएको छ ।
मकालु खबर
२०७८ माघ ९ गते
प्रतिक्रिया
सम्बन्धित