विराटनगरमा एटीएम मेसिन तोडफोड गर्ने पक्राउ
मकालु खबर
२०७८ पुस १२ गते
विराटनगर । विराटनगरमा बैँंकको एटिएम मेसिन तोडफोड गर्ने एक जनालाई प्रहरीले पक्राउ गरेको छ । विराटनगर महानगरपालिका-३ कंचनबारीमा रहेको माछापुच्छ्रे बैंकको एटीएम तोडफोडमा संलग्न एक जनालाई प्रहरीले पक्राउ गरेको हो ।
पक्राउ पर्नेमा मोरङको रतुवामाई नगरपालिका-५ का २१ वर्षीय पारस कालिकोटे रहेको जिल्ला प्रहरी कार्यालय मोरङले जनाएको छ ।
आइतबार राति एटीएम मेसिन तोडफोड भइरहेको भन्ने सूचना प्राप्त हुनासाथ जिल्ला प्रहरी कार्यालय मोरङ, प्रहरी चौकी बरगाछी र सीआरभी पोस्ट भट्टाचोकबाट गएको प्रहरी टोलीले उनलाई नियन्त्रणमा लिएको हो ।
पक्राउ परेका कालिकोटेको जिल्ला प्रहरी कार्यालय मोरङबाट आवश्यक अनुसन्धान भइरहेको प्रहरीले जनाएको छ ।
मकालु खबर
२०७८ पुस १२ गते
प्रतिक्रिया
सम्बन्धित