नेपाल बङ्गलादेश बैंकले १५ प्रतिशत लाभांश दिने
काठमाडौँ । नेपाल बङ्गलादेश बैंकले सेयरधनीलाई १५.५० प्रतिशत लाभांश वितरण गर्ने भएकाे छ । बैंककाे २७ औँ वार्षिक साधारणसभा तथा सञ्चालक समितिको बैठकले सञ्चालक समितिले ल्याएकाे लाभांश वितरणसम्बन्धी प्रस्ताव पारित गरेकाे हाे ।
बैंकले आव २०७७/०७८ को मुनाफा रकमबाट २०७८ आषाढ मसान्तमा कायम रहेको चूक्ता पूँजीको १२ प्रतिशतका दरले बोनस शेयर र ३.५० प्रतिशत (बोनस शेयर तथा नगद लाभांशमा लाग्ने कर समेत गरी) का दरले नगद लाभांश वितरण गर्ने भएकाे हाे ।
बैंकका अध्यक्ष एआरएम नजसमुस शकिबको अध्यक्षतामा बसेको उक्त सभाले सञ्चालक समितिले प्रस्ताव गरेकाे थियाे ।
शुक्रवार सम्पन्न सभाले नयाँ सञ्चालक समितिको निर्वाचन गरेको छ ।
सभाले आगामी कार्यकालका लागि बैङ्कको ६ जना सञ्चालक समिति चयन गरेको छ । जसमा संस्थापक समूहबाट एआरएम नजमुस शकिब, एम शाह आलम सरवर तथा क्यामरुन नहर अहमद निर्वाचित भएका छन् । त्यस्तै सर्वसाधारण समूहबाट इन्द्रबहादुर थापा, योगिता दाहाल तथा अमन साह निर्वाचित भएका छन् ।
कोभिड–१९ को संक्रमण पूर्ण रुपमा सामान्य नभएले बैंकले भर्चुअल रूपमा साधरणसभा सम्पन्न गरिएको जनाएको छ ।