२२ घण्टापछि खुल्यो कोशी राजमार्ग
मकालु खबर
२०७८ कार्तिक ३ गते
धनकुटा । खोलाले बगाएपछि अवरुद्ध भएको कोशी राजमार्ग २२ घण्टापछि खुलेको छ । बगाएपछि साँगुरीगढी गाउँपालिका- ६ फेदीमा लेउती खोलाले करिब ५० मिटर सडक बगाएपछि राजमार्ग बुधबार दिउँसोदेखि अवरुद्ध भएको थियो ।
सडक डिभिजन कार्यालय, प्रहरी, ट्राफिक प्रहरी, नेपाली सेना र आम नागरिक मिलेर दिउँसो साढे १ बजेदेखि खुल्ला गरिएको जिल्ला प्रहरी कार्यालय धनकुटाले जनाएको छ । राजमार्ग अहिले अस्थायी रुपमा मात्र सञ्चालनमा रहेको पनि प्रहरीले जनाएको छ ।
राजमार्ग बन्द हुँदा धरानदेखि पहाडतिर जाने र पहाडबाट धरान झर्ने गाडी अलपत्र परेका थिए । पानी पर्ने क्रम भने अझै नरोकिएको प्रहरीले जनाएको छ । झरीका कारण नदीमा बाढी पनि आइरहेको छ ।
मकालु खबर
२०७८ कार्तिक ३ गते
प्रतिक्रिया
सम्बन्धित