सिटिजन्स बैंक र लस्कर फूड्सबीच छुट सम्झौता
मकालु खबर
काठमाडौँ । सिटिजन्स बैंक इन्टरनेसनल लिमिटेड र पक्नाजोल काठमाडाैँस्थित लस्कर फूड्स एण्ड डेलिभरि सर्बिसेस प्रालीबीच सहकार्य गर्ने सम्बन्धी समझदारीपत्रमा हस्ताक्षर भएको छ ।
उक्त सम्झौता पश्चात सिटिजन्स बैंकका मोबाइल बैकिङ्ग ग्राहक एवम् कर्मचारीहरुले लस्कर फूड्स एण्ड डेलिभरि सर्बिसेस प्रालीको विभिन्न सेवाहरुमा विषेश छुट पाउने भएका छन् । यस किसिमको सहकार्यबाट बैंकका ग्राहकहरु लाभान्वित हुने विश्वास बैंकले लिएको छ ।
हालसम्म बैंकको डेबिट कार्ड नभएका ग्राहकहरुको लागी समेत घरमै बसी नि:शुल्क मोबाइल बैकिङ्गमार्फत डेबिट कार्डको लागी आवेदन दर्ता गर्न सक्ने व्यवस्था मिलाएको छ ।
मोबाइल बैकिङ्गमार्फत खानेपानी, बिजुली तथा इन्टरनेटको बिल भुक्तानी, प्रिपेड तथा पोष्टपेड मोबाइल बिल भुक्तानी, र मुद्दती खाताको आवेदन दिन सक्नेलगायतका व्यवस्था समेत गरेको जानकारी बैंकले गराएको छ ।
मकालु खबर
