इन्फलुएन्जा के हो, कसरी थाहा पाउने ?

काठमाडाैँ । नेपालमा इन्फ्लुएन्जा हरेक वर्ष अंग्रेजी महिनाको फेब्रुअरी, मार्च तिर र जुलाई अगस्टतिर गरी वर्षमा दुईपटक बढी देखिन्छ ।

यसपटक पनि इन्फलुएन्जा जुलाई महिनाबाट देखिन शुरु भएको हो ।  अगस्टमा अलि बढि भयो । अहिले तथ्याङ्कले यसका बिरामी अलि कम भएर गएको जस्तो देखाएको छ ।

यसका लक्षणहरू

• रुघाखोकी लाग्नु
• ज्वरो आउनु
• घाँटी दुख्नु
• शरीर दुख्नु
• वाकवाकी लाग्नु
• बान्ता हुनु
• टाउको दुख्नु ।

इन्फ्लुएन्जाबाट जोगिन खोप लगाउन सकिन्छ । जुन हरेक वर्ष लगाउनु पर्दछ । ज्येष्ठ नागरिक दीर्घ रोगी, बालबालिका बढी जोखिममा पर्ने भएकाले उनीहरूले भ्याक्सिन लगाउनु झनै जरुरी पर्दछ ।

यी जोखिममा भएका व्यक्तिहरू केही गरी सङ्क्रमित भएका भए चिकित्सकको सम्पर्कमा गएर आवश्यक औषधीहरू लिनु पर्दछ । सामान्यतया एक हप्ता १० दिनमा बिस्तारै ठिक हुँदै जाने पनि हुन्छ ।