भदौ ५ गतेसम्मका त्रिविका परीक्षा नरोकिने
मकालु खबर
२०७८ साउन २४ गते
काठमाडौँ । त्रिभुवन विश्वविद्यालयले अहिले सञ्चालन भइरहेका कुनै पनि परीक्षा नराेक्ने भएको छ । त्रिविले तालिका प्रकाशन गरिसकेका र परीक्षा चलिरहेका विभिन्न सङ्कायका स्नातक र स्नातकोत्तर तहका भदौ ५ गते सम्मका परीक्षा नरोक्ने निर्णय गरेको त्रिविका रजिष्ट्रार पेशल दाहालले जानकारी दिए ।
विद्यार्थीकाे सङ्ख्या थोरै भएकाले स्वास्थ्य मापदण्ड पालना गरेर परीक्षा सञ्चालन गर्ने निर्णय गरिएको उनले बताए ।
कोरोना बढ्दै गएको बेला परीक्षाहरूका बारेमा निर्णय गर्न आइतबार बसेको त्रिवि परीक्षा सुधार तथा समन्वय समिति र प्राविधिक परिषद्को बैठकले रुटिन आइसकेका र भदौ ५ गतेसम्मका परीक्षा निरन्तर सञ्चालन गर्ने निर्णय गरेको हो ।
कक्षा १२ को परीक्षा रोकिएको र कोरोनाको तेस्रो लहरको जोखिम उच्च भइरहेको भन्दै बाँकी परीक्षा स्थगित गर्न माग भइरहेको थियो ।
मकालु खबर
२०७८ साउन २४ गते
प्रतिक्रिया
सम्बन्धित