बालाजु औद्योगिक क्षेत्रस्थित नेबिको बिस्कुट उद्योगमा आगलागी

काठमाडौँ । बालाजु औद्योगिक क्षेत्रमा रहेको एउटा बिस्कुट उद्योगमा आगलागी भएको छ । शनिबार बिहान २ बजेदेखि औद्योगिक क्षेत्र परिसरमा रहेको नेबिको बिस्कुट उद्योगमा आगलागी भएको हो ।

के कसरी आगलागी भन्ने नखुलेको नेबिको बिस्कुट उद्योगका मार्केटिङ म्यानेजर अरुण पौडेलले जानकारी दिए । उनका अनुसार आगलागनी नियन्त्रण नभएकोले क्षतिको विवरण पनि आइसकेको छैन ।

बिहानैदेखि जुद्ध वारुण यन्त्र, नेपाली प्रहरी, सशस्त्र प्रहरीलगायतका पानीका ट्यांकर र दमकलको सहयोगमा आगो निभाउने प्रयास भइरहे पनि अझै नियन्त्रणमा आउन नसकेको महानगरीय प्रहरी वृत्त बालाजुले जनाएको छ ।