आंशिक प्राध्यापकलाई करार गर्ने सहमति भएको दाबी
मकालु खबर
२०७८ साउन २० गते
काठमाडौं । त्रिभुवन विश्वविद्यालय र आंशिक प्राध्यापकहरूबीच एक शैक्षिक सत्र अध्यापन गराएका र मापदण्ड पूरा गरेका करार प्राध्यापकलाई करार गर्ने सहमति भएको आंशिक प्राध्यापक संघर्ष समितिले जनाएको छ ।
यसअघि सरकारले करार गर्ने निर्णय गरेका १४२० दरबन्दी र त्यसपछि एक कार्यकाल पूरा गरेका ५८० जना आंशिक प्राध्यापकलाई करार गर्ने सहमति त्रिविको वार्ता समिति र संघर्स समितिबीच भएको आंशिक प्राध्यापक केन्द्रीय संघर्ष समितिका संयोजक गोकुल लिम्बुले मकालुखबरलाई जानकारी दिए ।
सोमबार भएको सहमति चार दिनभित्रमा त्रिविको कार्यकारीको बैठक बोलाएर पारित गर्ने सहमति भएको पनि लिम्बुले जानकारी दिए । आंशिक प्राध्यापकलाई निःशर्त करार गर्ने भन्ने कुरा सही नभएको र उनीहरूको कक्षाभारलगायतका मापदण्ड भने पुगेको हुनुपर्ने लिम्बुले बताए ।
मकालु खबर
२०७८ साउन २० गते
प्रतिक्रिया
सम्बन्धित