खाने तेलको गिलेनमा लागु औषध
मकालु खबर
२०७८ असार ९ गते
विराटनगर । विराटनगरबाट प्रहरीले खानेतेलको गिलेनमा लागु औषध ओसारपसार गर्नेलाई पक्राउ गरेको छ । लागु औषध नियन्त्रणम ब्युरोबाट खटिएको प्रहरी टोलीले हिजो साँझ विराटनगर १६ दक्षिण गेटबाट लागु औषधसहित एक जनालाई पक्राउ गरेका हो ।
पक्राउ पर्नेमा सुनसरी चक्रघट्टी ७ का ३२ वर्षीय राज कुमार मगर रहेका छन् । उनले बोकेको झोलामा खानेतेलको गिलेनमा एभिल ७७ एम्पुल, लुपिजेसिक ७५ एम्पुल, डाइजाल्याप ७५ एम्पुल र फेनारगन ७८ एम्पुल फेला परेको प्रदेश प्रहरी कार्यालय बिराटनगरले जनाएको छ ।
पक्राउ परेका मगरलाई ईलाका प्रहरी कार्यालय रानीबाट थप अनुसन्धान भईरहेको छ ।
मकालु खबर
२०७८ असार ९ गते
प्रतिक्रिया
सम्बन्धित