विश्वका चर्चित समाचार वेबसाइटहरू अवरुद्ध
मकालु खबर
२०७८ जेठ २५ गते
काठमाडौं । विश्वभरका धेरै वेबसाइटहरू बन्द भएका छन् । फाइनान्सियल टाइम्स, सिएनएन, ब्लूमबर्ग न्यूज, न्यूयोर्क टाइम्सलगायतका वेबसाइट बन्द भएका हुन् ।
त्यस्तै कतारमा रहेको अलजजिरा मिडिया नेटवर्कमा पनि समस्या आएको थियो । न्यूज साइटहरूसँगै अमेजनको अफिसियल साइटमा पनि समस्या देखिएको थियो भने बेलायती सरकारको मूख्य वेबसाइट पनि देखिएको थिएन ।
सबैभन्दा पहिला फ्रान्सको ले मोन्डे न्युजपेपरमा समस्या देखिएको थियो भने बिस्तारै विश्वका अन्य चर्चित वेबसाइटमा समस्या देखिन थालेको अलजजिराले जनाएको छ ।
बिबिसी र न्यूयोर्क टाइम्सको वेबसाइटमा एकछिन एक्सेस नभएपनि केहीबेरमा चल्न थालेको थियो । बन्द भएका वेबसाइट खोल्दा ‘एरर ५०३ सर्भिस अनएभेलेवल’ र ‘कनेक्सन फेलियर’ भनेर देखिने गरेको थियो ।
मकालु खबर
२०७८ जेठ २५ गते
प्रतिक्रिया
सम्बन्धित