भीम रावलले किन हटाए नागरिकता सम्बन्धी ट्वीट ?
मकालु खबर
काठमाडौँ । नेकपा एमालेबाट निष्कासित नेता डा. भीम रावलले नागरिकता सम्बन्धी गरेको ट्वीट हटाएका छन् । वीरगञ्जमा नागरिकता लिनेको भीड भन्दै गरेको सोमबार गरेको ट्वीट रावलले हटाएका हुन् ।
ट्वीट गर्दै लेखेका थिए-‘वीरगञ्जमा नागरिकता लिनेको भिड लागेको र त्यसमा भारतबाट आउनेको ठूलो संख्या रहेको समाचार आयो। प्रधानमन्त्री केपी ओलीको निषेधाज्ञा जनतालाई घरमा बन्द गरेर नेपाली नागरिकता विदेशीलाई समेत चकलेट बाँडेजस्तै गर्नलाई हो कि ? नेपाली जनतालाई जवाफ चाहियो। सम्पूर्ण देशभक्त नेपाली राष्ट्र जोगाउन सक्रिय बनौँ ।’
तर, उनले लक्षित गरेर समाचार पूरानो समाचार थियो । निषेधाज्ञाका बेला कार्यालयहरु बन्द रहँदा नागरिकता लिन कसरी भिड लाग्यो ? भन्दै आलोचना हुन थालेपछि नेता रावलले ट्वीट हटाए ।
पूरानो समाचार भन्दै ध्यानाकर्षण गराएकोमा धन्यवाद दिँदै उनले अर्काे ट्वीटमा भनेका छन्- ‘मैले वीरगञ्जमा नागरिकता लिनेको भीड देखियो भन्ने समाचार आयो सरकारले जनतालाई जवाफ देओस् भनेर सोध्नु कुनै गलत कुरा होइन । सरकारले प्रष्ट पारे भइहाल्यो तर, उक्त समाचार पुरानो भनी ध्यान आकर्षित गराउनु हुने सबैलाई धन्यवाद दिदै मेरो त्यो ट्वीट हटाउने जानकारी गराउँछु ।’
मैले विरगंजमा नागरिकता लिनेको भीड देखियो भन्ने समाचार आयो सरकारले जनतालाई जवाफ देओस् भनेर सोध्नु कुनै गलत कुरा होइन ।सरकारले प्रष्ट पारे भइहाल्यो। तर उक्त समाचार पुरानो भनी ध्यान आकर्षित गराउनु हुने सबैलाई धन्यवाद दिदै मेरो त्यो ट्वीट हटाउने जानकारी गराउँछु।
— Bhim Rawal, PhD (@BhimRawal179) May 25, 2021
मकालु खबर
