कविता

“मेरो देश र जुका”

यि एक हुल
को हुन् ?
के हुन् ?
किन सल्बलाइरहेका छन् ?
के अप्रिय समाचार आउने वाला छ ?

मेरो मातृभूमिको छातीमा बुट बझार्ने को हुन ?

तिनी घाम हुन् ?

अँह
घामले त न्यानोपन दिन्छ

के जून हुन त?
नाई ।
जूनले पनि सितलता दिन्छ नी

ती पनि होइनन् ?

अरे यार !! को हुन् ?

पूर्व हो की पश्चिम

उत्तर हो की दक्षिण ??

को हुन् ?

यति बेला मेरो देश रोई रहेछ ।।
यो बेला त कमसेकम
चिथोर्न छोड
निचोर्न छोड
अलिकति पनि दया लाग्दैन ?

मानवको परिभाषा के हो?
लौ न कोही बताइदिनुस् !

यो चार प्रहर रात कति लामो भएको हो ?
ए ! दाई लौन उठ्नुस त
ऊ हेर्नुहोस त !
यी त जुकाहरू पो रहेछन् ।
मेरो देशमा जुकाहरु सल्केका रहेछन्
जुकाहरु ढाडिएर पल्टेका रहेछन्
त्यसकै आवाज हुनुपर्छ ।।

यो जुका अघाएको बेला हो?
यो बेलामा उसले केहि गर्दैन ।
बस! देख्न सक्छ
टन्न अघाएर बसेको गोवन सापले झैं
ऊ हेर्नुहोस त पाउर मार्दै छ ।

देख्नुभयो?

अझै देख्नुभएन ?

रोक्नुहोस् ।

ध्यान दिएर हेर्नुहोस
पक्कै देख्नुहुनेछ ।।।

“अतीत “अशोक दवाडी

प्रतिक्रिया

Leave a Reply

Your email address will not be published. Required fields are marked *