कतार सरकारले दियो १४ नेपालीलाई आममाफी

काठमाडौं । रामदान पर्वको अवसरमा कतार सरकारले विभिन्न आरोपमा सजाय भोगिरहेका १४ नेपालीलाई आममाफी दिएको छ ।

कतारस्थित नेपाली राजदूतावासले सूचना जारी गर्दै कतारको केन्द्रीय कारागार तथा अन्य कारागारमा विभिन्न आरोपमा सजाय भोगिरहेकाहरुलाई आममाफी दिएको जनाएको छ ।

आममाफी पाएका नेपालीहरुका लागि नेपाल फर्कनको लागि सहज बनाउनका लागि कतार सरकारका सम्बन्धित निकायसँग राजदूतावासले आवश्यक समन्वय तथा सहजीकरण गर्नसमेत जनाएको छ ।

यसअघि कोरोना भाइरसको संक्रमणलाई मध्यनजर गर्दै नेपाली कैदी बन्दीहरुको रिहाइका लागि राजदूतावासको तर्फबाट कतारसमक्ष आग्रह पनि गरेको जनाइएको छ ।