मकालु खबर
ताजा, शुलभ, निष्पक्ष

प्रज्ञा भवनको चुनावी चहलपहल (फोटोफिचर)

काठमाडौं । नेपाल पत्रकार महासंघको मतदान देशैभरका सबै शाखाहरुमा एकसाथ सुरु भइसकेको छ । नेपाल प्रज्ञा प्रतिष्ठान भवन परिसरकाे माहाेल पनि निर्वाचनले तातेकाे छ ।

पत्रकार महासंघ‌ प्रत्यक्ष मतदान प्रणालीमा प्रवेश गरेपछि केन्द्रीय समितिको निर्वाचन पहिलो पटक प्रत्यक्ष प्रणालीबाट हुन लागेको हो । निर्वाचनका लागि ७७ जिल्लाको सम्बन्धित जिल्ला शाखामा, ४२ प्रतिष्ठानको विभिन्न १९ स्थानमा र एक एसोसियटको दशरथ रङ्गशालामा गरी कुल ९७ बुथमा निर्वाचन तोकिएको छ । नयाँ नेतृत्वका लागि १३ हजार १२२ सदस्यले मतदान गर्दैछन् ।

बिहान ९ बजेदेखि साँझ ५ बजेसम्म मतदानको व्यवस्था गरिएको छ । मतदान सम्पन्न भएपश्चात बुधबार नै मतगणना शुरु गरिने छ । निर्वाचनमा तीन हजारभन्दा बढी पदाधिकारी तथा सदस्य निर्वाचित हुनेछन्, जसमा महिलाको उपस्थिति ३३ प्रतिशतभन्दा बढी रहने संयोजक काफ्लेले बताए ।

कुनै बाधा नभए चैत २६ गते सबै तहको मतपरिणाम आउने महासङ्घको केन्द्रीय निर्वाचन समितिका संयोजक वरिष्ठ पत्रकार कपिल काफ्लेले जानकारी दिएका छन् । केही शाखा र प्रतिष्ठानमा सर्वसम्मत रूपमा नयाँ नेतृत्व चयन भए पनि आज चैत २५ गते मात्रै निर्विरोध निर्वाचित भएको घोषणा गरिनेछ ।

प्रतिकृयाहरु
Loading...
Makalukhabar.com