मकालु खबर
ताजा, शुलभ, निष्पक्ष

सिम्रौनगढमा भेटियो २४० वर्ष पुरानो ऐतिहासिक इँटा

वीरगञ्ज । पुरातत्व विभाग काठमाडौँले प्रदेश नं २ को प्रसिद्ध तथा ऐतिहासिकस्थल सिम्रौनगढस्थित रामजानकी मन्दिर जीणोद्वार गर्दा करीब २४० वर्ष पुरानो कलात्मक इँटा फेला परेको छ ।

सिम्रौनगढ नगरपालिका-२ अमृतगञ्जस्थित सो मन्दिरको जीणोद्वार गर्ने क्रममा उक्त कलात्मक इँटा फेला परेको हो । सो इँटा विसं १८३५ देखि १९३५ को हुनसक्ने बताइएको छ ।

फेला परेको उक्त इँटामा विसं उल्लेख गरिएको नगरपालिकाका सदस्य परमानन्द मुखियाले जानकारी दिए । उक्त इँटा फेला परेपछि त्यहाँ विसं १९३५ भन्दा पहिलेदेखि नै मन्दिर रहेको अनुमान गरिएको छ ।

सो ऐतिहासिक, धार्मिक तथा पर्यटकीयस्थलको रुपमा रहेको सिम्रौनगढका उचित संरक्षण हुनसकेको छैन ।

प्रतिकृयाहरु
Loading...
Makalukhabar.com