मुख्यमन्त्री राईविरुद्धको अविश्वास प्रस्तावमाथिको छलफल चैत २ मा
मकालु खबर
२०७७ फागुन १९ गते
विराटनगर । प्रदेश १ का मुख्यमन्त्री शेरधन राईविरुद्धको अविश्वास प्रस्तावमाथिको छलफल चैत २ गतेसम्मका लागि सरेको छ ।
बुधबार प्रदेश सभा सचिवालयले एक सूचना जारी गर्दै प्रदेश सभाको सातौं तथा हिउँदे अधिवेशनको चौथो बैठक चैत २ गतेसम्मका लागि स्थगित गरेसँगै मुख्यमन्त्री राईको अविश्वास प्रस्तावमाथिको छलफल पनि सरेको हो ।
भोलि (बिहीबार) दिउँसो १ बजे गर्ने भनिएको प्रदेश सभा बैठक विशेष कारणले चैत २ गते सोमबार बस्नेगरी सरेको प्रदेश सभा सचिव गोपाल प्रसाद पराजुलीले जानकारी दिए ।
गत फागुन ९ गते अविश्वास प्रस्ताव पेश हुनासाथ सभामुख प्रदीपकुमार भण्डारीले २० गतेसम्मका लागि बैठक स्थगित गरेका थिए ।
मकालु खबर
२०७७ फागुन १९ गते
प्रतिक्रिया
सम्बन्धित