चीनले भन्यो : ‘नेपाल–चीन सम्बन्धले तेस्रो पक्षलाई असर गर्दैन’
![](https://www.makalukhabar.com/wp-content/uploads/2023/10/Final-icon-Logo-2023.png)
२०७७ मंसिर १८ गते
![चीनले भन्यो : ‘नेपाल–चीन सम्बन्धले तेस्रो पक्षलाई असर गर्दैन’](https://www.makalukhabar.com/wp-content/uploads/2020/12/Nepal_China_Makalukhabar.jpeg)
|फाइल फोटो|
एजेन्सी । चीनले नेपाल–चीनको सम्बन्धले तेस्रो पक्षलाई कुनै खालको असर नगर्ने बताएको छ । भारततर्फ इङ्गित गर्दै चीनले यस्तो बताएको हो ।
चिनियाँ विदेश मन्त्रालयमा आयोजना गरिएको नियमित पत्रकार सम्मेलनमा प्रवक्ता होउ चिनयुङले भनेकी छन्, ‘मेलै के कुरामा जोड दिनुपर्छ भने चीन र नेपालको मित्रवत् सम्बन्ध चिनियाँ र नेपाली जनताका लागि फाइदाजनक छ । हाम्रो सम्बन्धले कुनै पनि तेस्रो पक्षलाई असर गर्नेवाला छैन । चीन नेपालसँग सबै क्षेत्रमा सहकार्य सुदृढ बनाउन काम गर्न, बीआरआईमा गुणात्मक सहकार्य गर्न र सम्बन्धलाई नयाँ तहमा पुर्याउन काम गर्न तयार छ ।’
पछिल्लो समयमा भारतले नेपालको चीनसँगको सम्बन्धको बारेमा चासो राख्दै आएको छ । उक्त भारतीय चासोलाई नै संकेत गर्दै चिनियाँ विदेश मन्त्रालयबाट यस खालको अभिव्यक्ति आएको हो ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०७७ मंसिर १८ गते
प्रतिक्रिया
सम्बन्धित