उपत्यकामा १,१७७ सहित शनिबार थपिए २,१२० संक्रमित, २,०४४ जना निको भए

काठमाडौं । आज (शनिबार) थप  दुई हजार १२० जनामा कोरोना भाइरस (कोभिड १९) संक्रमण पुष्टि भएको छ ।

१२ हजार ९७८ पीसीआर परीक्षण गरिएकोमा उपत्यकामा एक हजार १७७ सहित देशभरका दुई हजार १२० जनाको रिपोर्ट पोजेटिभ आएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

प्रवक्ता गौतमका अनुसार काठमाडौंका एक हजार एक, भक्तपुरका ६९ र ललितपुरका १०९ जनामा कोरोना संक्रमण पुष्टि भएको हो । आजको अपडेटसँगै नेपालमा कोरोना संक्रमितको कुल संख्या ८४ हजार ५७० पुगेको छ ।

संक्रमितमध्ये  ६२ हजार ७४० जना डिस्चार्ज भएका छन् । पछिल्लो २४ घण्टामा मात्रै २,०४४ जना डिस्चार्ज भएका छन् । सक्रिय संक्रमितको संख्या २१ हजार ३०२ छ भने आज क्वारेन्टिनमा  ४ हजार २७३ जना रहेका छन् ।