काेराेना संक्रमणबाट पूर्व न्यायाधीश माधवप्रसाद चालिसेको मृत्यु
मकालु खबर
२०७७ भदौ १६ गते
काठमाडौं । काेराेना भाइरस (काेभिड १९) संक्रमणबाट पूर्व न्यायाधीश माधवप्रसाद चालिसेकाे मृत्यु भएकाे छ ।
लामाे समयदेखि मुटुकाे समस्या झेेलिरहेका उनकाे मुटुकै उपचारका क्रममा ठमाडौंको बाँसबारीस्थित गंगालाल हृदयरोग केन्द्रमा काेराेना संक्रमणबाट मृत्यु भएकाे हाे । ७० वर्षका उनी पाँच दिनअघि अस्पताल भर्ना भएका थिए ।
उपचारकै क्रममा पीसीआर परीक्षण गर्दा उनीमा काेराेना संक्रमण पुष्टि भएकाे हाे । उनकाे आज मृत्यु भएकाे हाे ।
काठमाडौं महानगरपालिका वडा नम्बर ३ का उनी २०७० साल असार २५ गते तत्कालीन पुनरावेदन अदालत पोखराका मुख्य न्यायाधीशबाट रिटायर्ड भएका थिए । उनकाे शवलाई आजै नेपाली सेनाको टोलीले अन्त्येष्टि गर्नेछ ।
मकालु खबर
२०७७ भदौ १६ गते
प्रतिक्रिया
सम्बन्धित