एक लाख नगदसहित १७ जुवाडे पक्राउ

कास्की । तास खेलिरहेकाे अवस्थामा प्रहरीले १७ जनालाई पक्राउ गरेकाे छ ।

पोखरा महानगरपालिका-१० मिलन टोल डेरा गरी बस्ने सोही महानगरपालिका-१४ मझेरीपाटन घर भएकी ५० वर्षीया ज्ञानु हमालको कोठामा तास खेलिरहेको अवस्थामा हमाल लगायत १७ जनालाई बुधबार दिउँसो प्रहरीले पक्राउ गरेको हाे ।

हमालको कोठामा तास खेलिरहेको भन्ने सूचनाको आधारमा वडा प्रहरी कार्यालय रामबजारबाट खटिएको प्रहरीले नगद १ लाख २ हजार ४ सय ९० रुपैयाँ र ८ बुक तास सहित उनीहरुलाई पक्राउ गरेको हो ।

यसबारे थप अनुसन्धान भइरहेकाे प्रहरीले जनाएकाे छ ।