पाटन अस्पतालमा उपचाररत् वीरगञ्जका कोरोना संक्रमितको मृत्यु
मकालु खबर
२०७७ साउन २३ गते
काठमाडौं । पाटन अस्पतालमा उपचाररत एक कोरोना भाइरस (कोभिड १९) संक्रमितको मृत्यु भएको छ । हिजो बिहीबार साँझ मृत्यु भएको अस्पतालका निर्देशक डा. विष्णु शर्माले मकालु खबरसँगकाे कुराकानीमा यसबारे पुष्टि गरे ।
मृतक वीरगञ्जका हुन् । उनीमा मधुमेह र रक्तचापकाे समस्या थियाे । स्टार अस्पताल भर्ना भएका उनकाे स्वास्थ्यमा थप समस्या आएपछि पाटन अस्पताल रिफर गरिएकाे थियाे । उनकाे उपचारका क्रममा मृत्यु भएकाे हाे ।
स्वास्थ्य तथा जनसंख्या मन्त्रालयले भने यसबारे पुष्टि गरिसकेकाे छैन । मन्त्रालयले बिहीबारसम्म पुष्टि गरेकाे अपडेट अनुसार देशभर हालसम्म ६५ काेराेना संक्रमितकाे मृत्यु भएकाे छ । बिहीबार मात्रै थप ५ जनाकाे मृत्यु पुष्टि भएकाे थियाे ।
मकालु खबर
२०७७ साउन २३ गते
प्रतिक्रिया
सम्बन्धित